被動收入

1. 認清自己唔係股神 打工仔無謂嘥精神同大鱷對賭，時間同健康先係最寶貴。與其日日提心吊膽估頂估底，不如放過自己，用「佛系」方法慢慢將筆錢滾大。舒舒服服賺被動收入，慳返啲時間享受生活仲好。 2. 入市前必問自己三條問題 * 係咪真係「閒錢」？ 投資一定要用未來三五年都唔會用到嘅錢。如果筆錢要用嚟交租或者結婚，跌市時急住套現就大鑊。就算筆錢跌咗一半，你都仲可以安心瞓覺、唔影響生活，呢啲先叫閒錢。 * 到底需要幾多錢？ 退休唔使下下諗住要有一億。計下每月基本開支，假設一個月用兩萬，一年就廿四萬。用投資界嘅「4%法則」（每年只提取4%），大約儲夠六百萬就初步達到財務自由。未必可以餐餐大魚大肉，